Ki paidbah ka Northeast daw rap suk ki kattu hawa ong u lai cha baar ri hadien wa wai ya ka thaw leh Visa wa nyngkong ka thaaiñ ha Guwahati ynne ka sngi kawa pynlai da ka VFS Global kawa em Office ha kiwa boon ki sorbah ka ri India.
Ya kani ka Visa Application Centre da wai da u Chief Minister, u Himanta Biswa Sarma ha ka yalang wa da pynman ha Inter State Bus Terminus, Khanapara, Guwahati.
Nachwa kiwa na Northeast hawa yaleh Visa wow lai cha Europe da hap bait ki u lai cha ka Office ka VFS Global kawa em ha Delhi tangwa kattu da suk wow yaleh Visa cha kiwa boon ki ri Europe wot kiwa haap hapoh ka Schengen Area kiwa em 29 tylli ki ri nadooh ka France, Italy, Spain, Switzerland wa kiwi de wot ki wym em hapoh ka Schengen Area leh.
Najrong kini ki ri daw ye leh wow yaleh Visa cha kiwi ki ri kam ka Japan, Morroco, UK, Egypt wa kiwi de.
Ha kani ka sngi da emlang ka Tourism Minister ka Ajanta Neog, u Transport Minister, u Charan Boro ka Yusmi Talwar kawa man ka Chief Executive Officer for South Asia ka VSF Global, chirup wa ki heh na Switzerland, Czech Republic, Italy wa France.
Discussion about this post