Yoh ka Nongstoiñ ya ka MCH Hospital deilang ki sarok kiwa chongdor da ki spah klur

U Montri Rangbah ka jylla, u Conrad K. Sangma ynne da wai paidbah u ya ka Maternal and Child Health (MCH) Hospital, Nongstoiñ deiwa emlang ki MLA, u Methodius Dkhar, u Gabriel Wahlang wa u R.G. Momin.

Ha kani ka yalang da pynkup burom leh ya uwa da e sñiawbha yei thaw yow chna ya kani ka Hospital heiwa u Montri Rangbah da booh u leh ya u mooyurim yow chna ya ka yung krehkaam wa thymme ka DIET neitæ u sarok Sohpian–Nongstoiñ. Da e kti leh ya ka Ambulance wa da e sñiawbha da ka IDBI Bank kam chibynta ka CSR yong ka.

ADVERTISEMENT

Ya kani ka Maternity and Child Health Hospital ha Nongstoiñ da chna hei lut wa Rs. 31.05 klur.

Kani ka Hospital da em ko ya ka OPD wa Laboratory Complex, ka Emergency Unit, ka Labour Room, ka ICU, ka Neonatal Intensive Care Unit (NICU) wa ka Operation Theatre Complex.

Related posts

Da pynsuk ya kiwa na Northeast wow lai cha Europe deiwa wai ya ka Visa Application Centre ha Guwahati

October 15, 2026

Kem ki pulit ya uwa mut wow lai siat ya ka Hindu Temple wa em ha USA

October 15, 2026

Da chna leh ya ka PSA Oxygen Generation Plant hei lut wa Rs. 0.37 klur.

U Conrad da ong u wa ki roi ki paar ymtoh u neh ki du ha Shillong wa Tura heiwa da pynlut Rs. 383.91 klur yow chna pynmiat ya u sarok wa 35 km na Maweit–Nongjri ha ki bynta u sarok Nongstoin–Maweit–Nongjri Road, uwa pynyabi ya ka Nongstoin cha Ranikor ha South West Khasi Hills.

Kiwi de ki sarok wa poi cha Nongstoin toh kiwa chongdor Rs. 498.31 klur:

– Nongstoin–Nongjri road – Rs. 383.91 klur

– Nongstoin–Maweit Section Under RIDF – Rs. 63.01 klur

– Sohpian–Nongstoin Road – Rs. 22.27klur (uwa da booh mooyurim ynne)

– Nongkhlaw–Byrki–Umdohlun Road deilang ar tylli ki yingkieñ hapoh ka PMGSY-III – Rs. 29.12 crore

U Conrad da phah u leh ya ka chnat PWD wa ki Contractor wow chna ya u sarok wa miat kiwa biang ya ki tympha, ki Footpath wa ki dooid deiwa ong leh ya u DC wa u MLA wow pait yeini wei wow phah Report cha oo.

U Conrad da ong u leh wa da jan dap Rs. 900 klur ki kreh wa da wanrah hapoh ka West Khasi Hills ha ki 8 snem ha kiwa boon ki kaam wei yeini i jooh da leh ha South West Khasi Hills, South Garo Hills wa East Jaiñtia Hills deiwa e nongmuna leh ya ka Rs. 450 klur yow chna ya u sarok Sutnga-Saipung u wym pu em jooh yoh Sanction u chna nadooh wa yoh ya ka jylla.