Ka kynthai kawa dang 19 snem kawa na Lumding, Assam kawa da suba wa yap noh neidaw wa joor chah pyndik chah pynchitom ko ha u chan ko heiwa da khana ko yeini deiwa thoh ha ka Instagram chwa u yap ko. Da yoh wow kem noh ya uni u chna ko na Shillong ynnin ka sngi hadien 5 sngi wa yut u uwa tip kam u Rohit Das heiwa da wan wow chimkti oo da ki pulit ka Lumding.
Ya kani ka kynthai da tip kam ka Saptami Debnath, kawa chong chnong ka Jarangdisa Itabhata Chariali ha Lumding wei hadien wa bna i daw wa yap ko da mih i dawa wow kem wei pynchitom ya u chan ko.
Ka takit da chem ko wa wa u Rohit Das toh uwa chong wa sah hajan kawi ka yaaw dai dakha wa em ha Lumding wei da suba wa jooh dat haroh u ka ka Saptami najrong wa pyndik u yei pyrkhat pyrdaiñ ko.
Manda ym ye de ko wow chah yeini da thoh ko cha Instagram deiwa khana yeiwa chah pynchitom ko.
Hadooh kattæ ym pu tip kammon yap ka Saptami heiwa da suba wa pynkut hi ko yei mynsien ko wei lada toh sakhiat ini iwa chah pynbaad u chan ko.
Neiliang kiwa chong chnong ka Lumding da dawa ki na ki bor ka aiñ wow takit deiwa bniah yeini wa jia.
Discussion about this post