Hadien i pyrchah ka KSU Umsning Circle yei lai noh Blai ka Puja Committee yong ka thaaiñ Zero Point hapoh ka nan Nongmahir, ynne ka sngi neiliang kiwa yahkhmat wa ki dkhot yong ka KSU Umsning Circle da lai ki wow sonteri hajan ka nan Nongmahir ya em wa wan wow noh Blai ha kani ka nan.
Hadien wa yang ka seiñ kattu katni por ynne ka sngi, neiliang ka Puja Committee ka thaaiñ Zero Point ym em wan noh Blai ki ha kani ka nan deiwa pyrchah ka KSU Umsning Circle yeini.
Kam wow kdaw heini, ka KSU Umsning Circle ha u snem 2023 da khang pyrchah wei maham joor ko ya ka Puja Committee ka Umsning wow lai noh Blai ha ka Wah Umran Diary wei kattæ won da khang pyrchah sa ya ka Puja Committee ka thaaiñ Zero Point wow wan noh Blai sa ha ka nan Nongmahir.
Ka seiñ da pynsñiaw ko leh wa i noh Blai da tyngkheiñ ko ya ka aiñ Water (Prevention and Control) Act 1974 wa kamjooh ki kyndon wa da pynmih da ka Central Pollution Control Board ha u snem 2010, kawa da ong wa hap wow pynngam um ya ki Blai deiwa tih hi ha ki Artificial Pond namo ki nan kiwa da tih yow pynemkaam chipor.
Ha kani ka jooh ka sngi neiliang ka KSU Umsning Circle da pynman ko leh yei thung dieñ ha tymbud ka nan Nongmahir heiwa da chimbynta deilang kiwa yahkhmat wa ki dkhot ka seiñ.
Discussion about this post