Ka 1st Division 2026 kawa tip leh kam ka Hajan Shylla Memorial Football League ka Thadlaskein Sports Association (TSA) da pteiñ ka ynne da ar tylli ki yalehke 1st Division.
Ha ka yalehke wa nyngkong, ka Evergreen SC da jop ko ya ka Maya SC da 10-1.
Ya ka Evergreen da u Rapbest Syngkon ha ka minit wa 2, u Teddyson Bang ha ka minit wa 4 wa 35, u Rimon Kharmuti ha ka minit wa 16, u Dathrang Dkhar ha ka minit wa 30, u Sunibai Suna ha ka minit wa 52, 54, 60 wa 62 wa u Manbha Dkhar ha ka minit wa 48 katwa ya ka Maya da thap da u Ebiangmi Lamare ha ka minit wa 14.
Ka yalehke wa bood da kut ko da 2-2 hapyrdi ka Friends United wa ka Umjalasiaw.
Ya ka Friends United da thap da u Same Syngkon ha ka minit wa 11 wa 14 katwa ya ka Umjalasiaw da thap da u Heimon Phawa ha ka minit wa 36 wa u Leimiki Dkhar ha ka minit wa 73.
Ki yalehke mynstep daw sdang da ka 1st Division hapyrdi ka Khliehtyrshi SC wa ka Mookyndur Malngiang SC heipor 10:00 waje i step wei daw pynbood da ka Final ka Joybell Suiam Memorial Football League (2nd Division) hapyrdi ka Shillong Police FT wa ka Mupliang Goodwill FC heipor 1:30.
Discussion about this post