Ha iwi i jia wym poi pyrkhat ha Hathin, Haryana iwa da poor bha i ha Social Media heiwa uwi u chrieh uwa dait bru da pyntieñ u ya kiwa boon la kamwa 10 sngi kattu tangwa manda yoh wow kem oo da pynchrai won ya ki bru wa maya mrad.
Heiyatoh wa ini u Chairperson ka Hathin Municipal Council da tyrwa u Rs. 51,000 ya kiwa yoh u kem ya uni u chrieh khnang wow chngaaiñ biang ki paidbah.
ADVERTISEMENT
Kamtæ da mih iwi i Video wa pynyoo ya u bru wa bah ya u chrieh hadien wa yoh u kem ya oo katwa kiwi won da dat ki oo wei ini da pynchrai i ya kiwa maya mrad deiwa dawa wow pynchitom ya kiwa dat.
I dait bru u chrieh da wanrah i yei tieñ hapyrdi kiwa boon katwa kiwa maya mrad won da ong ki wa kam kini ye u leh deiwa bood ya ki kyndon aiñ ymtoh da ini i rukom.
Discussion about this post