Ka Meghalaya Unified Teachers Association (MUTA) kawa man ka satri ki seiñ kiwa sikai hapoh ka Structured Pay Framework, da pyntip ko cha kiwa sikai wa em hapoh Structured Pay Framework (SPF) wa kynthup ya kiwa sikai (Lower Primary & Upper Primary), RMSA (Secondary & Higher Secondary), Adhoc (Lower Primary, Upper Primary, Secondary, Higher Secondary & Secondary Morning/Night) wa ka 4th Teachers (SSA Upper Primary School) wow wan cha ka General Meeting ka wow man ha ka 24 tarik u October 2026, ha Student’s Field (Madan Student), Jaiaw, Shillong heipor 11:00 AM.
Ka phang wow yaklam toh ya ka thong wa sdang ya ka Meghalaya Unified Teachers Association (MUTA) da ki seiñ kiwa sikai skur.
Daw khana leh yeiwa da yaklam wa ka Education Department ha ka 16 tarik u September 2026, wa u Chief Minister u Conrad Sangma ha ka 13 tarik u October 2026, heiyatoh wa ki dawa ka seiñ nadooh wow kynthup ya kiwa sikai SPF hapoh ka Sixth State Pay Commission; ka Service Condition kiwa sikai SPF [Uniform Leave Entitlements and Maternity Benefits, Healthcare Benefits and Medical Reimbursement, Loans Components and Interest Benefits, and One-Time Special Package for Senior Teachers] wa ka Single Instalment [Full Amount] Release of Salary cha kiwa sikai SSA & RMSA kamjooh wow pynjanai ya ka poisa poilaiñ khnang wa ka tulop kiwa sikai SPF u su ya ka langær khlem pynslem pyn ha ka sngi nyngkong u bnai.
Kamjooh u yaklam leh kammon wow pynkhlan ya kiwa sikai wow wanrah yei yatylli wa i krehlang hapyrdi waroh kiwa sikai hapoh ka Structured Pay Framework (SPF).
Kiwa kitkaam ki seiñ kiwa sikai da ong ki leh wa kani ka yalang daw man ko kawa emkaam bha ya waroh kiwa sikai kamjooh neibynta ka mynried yong ki.
Puræ leh: Kyntu kiwa sikai skur wow chah kynthup ha ka Sixth Pay Commission
Discussion about this post