U Speaker ka Meghalaya Legislative Assembly, u Thomas A. Sangma da tipmit noh u yei psiah ki le ngut ki MLA ka United Democratic Party (UDP) cha ka National People’s Party (NPP) hapoh ka Paragraph 4 ka Tenth Schedule ka Constitution ka ri India.
Ha ka hukum wa da pynmih ynne da ka Meghalaya Legislative Assembly Secretariat, da ong wa ki le ngut ki MLA, kitæ u Paul Lyngdoh uwa mihkhmat ya ka 18-West Shillong, u Renikton Lyngdoh Tongkhar uwa mihkhmat ya ka 36-Mawkyrwat wa u Nujorki Sungoh uwa mihkhmat ya ka 4-Mowkaiaw da rai ki wow psiah noh cha ka NPP heiwa ha ka 16 tarik uni u bnai da tipmit leh yei psiah ki 8 ngut ki MLA ka UDP cha ka Bharatiya Janata Party (BJP).
Wei deiwa rai u mih ki 3 ngut na ki 4 ngut kiwa dang sah ki MLA ka UDP ym em tyngkheiñ ko ya ka kyndon Paragraph 4(2) ka Tenth Schedule ka Constitution ka ri India.
U Speaker da ong u leh wa ki ar ngut na ki le ngut dadep ki wow yachem wa oo ha ka 19 tarik uni u bnai heiwa da pynsakhiat leh yeini wa da thmu ki wa da leh ki dei mon laitlooid.
Hadien wa da pait ya waroh iwa emkaam, da rai wow tipmit noh yei psiah ki le ngut ki MLA ka UDP cha ka NPP wei da tipmit ya ki leh kam ki MLA ka NPP hapoh ka yung dorbar chna aiñ ka jylla.
Discussion about this post