Lait im waroh kiwa em hapoh ka Bus kawa sahkut dei chrooh ha synrang

Kawi ka Bus yong ka GMOU kawa lai na Kotdwar cha Srinagar da noh ko cha rood synrang ha u sarok NH-534 ha ki bynta wa em hajan ka Bhadalikhal, Uttarakhand hadien wa sih syndet u Pressure Pipe heipor wa ku riat iwa pynman ya u Brake wa u Steering ko wow sih.

Deiwa jia ini, kani ka Bus da lai ko dei dien heipor wa dang ku riat kamwa 70 Meter wei da embhah wa sahkut ko deiwa em ki dieñ wa iwi i yung khian wa man kam chibynta ka Hotel wa em ha ini i thaw.

Ha ini wa jia waroh ki 32 ngut kiwa chong hapoh da yoh ki wow mih napoh ka Bus kawa da thiah dei chrooh deiwa em kiwa da mynsoo malu mala heiwa da wan wow yarap ya ki da ki bru paidbah wa em ha kani ka thaw.

Related posts

Psiah u Minister warim ka Meghalaya cha ka BJP

October 25, 2026

Chah thang ka Police Station, ki kari pulit wei chah leh pynsih ki yung ki MLA ha kiwa yakhih pyrchah ya ka Dam

October 24, 2026

Ka GMOU da pyntip ko wa kani ka Bus da mih ko na Kotdwar heipor 1:00 waje i sngi ka 21 tarik yow lai cha Srinagar wei da yah ya ka da u Ashok Mamgai.

Ha ini i thaw wa noh ka kari cha rood ym em leh ki Barrier wa kah yow lait u jia ini.