Yoh ka Byrnihat ya ki kari kit jhep wa ki kari lum sarok

Ka Byrnihat da yoh ko ya 6 tylli ki kari kit jhep wa pynemkaam da ka bordiñ (EV) wa ki kari lum sarok namo ki Mechanical Sweepers kam chibynta wow pynkhooid ya ka sor.

Ya ki kari da e kti da u Minister ka sorkar uwa ma leh u MLA ka Jirang, u Sosthenes Sohtun ha ka yalang wa pynman ka yung krehkaam u Block Development Officer (BDO), Umling C&RD Block.

Ya ki 6 tylli ki kari da thied ha i dor wa Rs. 57.44 lak ki wow chakri ya ki 20 tylli ki chnong katwa ki kari lum sarok won ha i dor wa Rs. 77.999 lak.

Ya kini ki kari da e kam chibynta ka National Clean Air Programme (NCAP) ka Union Ministry of Environment, Forest and Climate Change, deiwa ya krehlang wa ka Meghalaya State Pollution Control Board chirup ka yung krehkaam u DC ka Ri-Bhoi.

Related posts

Dang lait sa 5 Seat neibynta ka 5th Morning Batch ka Spoken English Course ha EduCareerPoint Jowai

October 26, 2026

Ka NPP wa ka UDP hap ki dei chim wai ya ki kyrtong MP: Vincent

October 26, 2026

Kam chibynta ini da saam leh ya ki borti pynlang jhep cha ki manyung ka Byrnihat, heiwa da batai leh wow pynyakhlaad ya ki jhep.

Ha kani ka sngi da emlang u DC ka Ri-Bhoi, u Abhishek Saini, u DRDA Project Director, u Raja Brahma, u BDO ka Umling, u Eric Kevin Dkhar, ki waheh chnong wa kiwi.