Dang mut nyngkong wa kani ka Election MP daw em ki Vote sñiawlem tangwa ym em man kamtæ: Vincent

U President ka Meghalaya Pradesh Congress Committee (MPCC), u Vincent H Pala da ong u wa hawa sdang u pyrkhat ya ka MP Election chiteiñ samoi da mut wa daw man ko deiwa em ka Vote sñiawlem tangwa ym em man ko kamtæ, heiwa ka yakhun u man bait ko hajrong ki mat, ki kaam pynroi wa ki kaam wa ki seiñ saiñpythai wa ka sorkar leh ki.

Hawa jubab yeiwa kylli, da ong u wa ka Election MP ha u snem 2024 yaphær ko wa kawa katni neidaw wa da pynkhlan ha ki Social Media, wei kattæ ka VPP da hiar bha ko wot ha ki thaw wa yoh kyrchaan bor bah ko kam ha Mylliem iwa da hiar bha kattæ kamjooh ha Sohra, ki thaw khappood wa kynthup ha ka thaaiñ Pynursla wei wot hadooh ha Jaiñtia Hills leh da hiar bha ko.

U Vincent da ong u wa lada nujor kattæ ym yoo wa ka VPP u ku ko heiwa da hiar pathan ko kat dang mih ki sngi.

Kamtæ da ong u wa ka yakhun ha kani ka Election MP chiteiñ samoi man bait ko hapyrdi ka NPP, Congress wa VPP.

Related posts

Lada toh wa ka sorkar BJP kohngooh ko ya ka Supreme Court ym mih i huri hura ha ka SIR: Dr. Kharlukhi

October 26, 2026

U Paul man u kam u sing uwa da mynsoo | Ka UDP ym kut ko: Vincent

October 26, 2026

Da kdaw u leh wa ka VPP ym ye ko wow synchaar wot hapoh ka District Council, kammon u pynlai wei synchaar ko ha ka jylla næ ha Delhi.