Uwa yahkhmat ka Congress, u Vincent H Pala da ong u wa ha oo hi chim u wa u Paul Lyngdoh toh kam u sing uwa da chah pynmynsoo, neibhah hadien wa da chah siat da u khnam wa ryntieh ha ki por wa dadep, da psiah u cha ka UDP wei wot hadien wa da lehbha ha ka bom leh chah khyrwit biang, wei iwa sah kattæ toh yow pait wa kammon uni u sing uwa da mynsoo u leh u ha ka NPP, lada daw yoh man Montri næ ym yoh.
Heiyatoh wa ka UDP hadien wa da dooh noh hadooh 11 ngut ki MLA du chi wak, u Vincent da ong u wa daw jia kamwa man ya ka TMC heipor wa mih ki na Congress heiwa boon na ki ym em de jop ki.
Da ong u wa ka UDP dang khlan ko ha kiwa boon ki thaaiñ wa ha ki chnong ki thaw ymtoh kam ka BJP kawa dang hap sdang wow psiah khlieh.
Da ong u wa ka Congress wa ka UDP dang ye ki wow taan ya kiwa yakhmat kamjooh kiwa mihkhmat tangwa wow khriñ ya ki paidbah wa kiwa kyrchaan ymtoh kawa suk, deiwa pynrap wa UDP ym kut ko wei daw heh ko neibhah wa ki paidbah ka jylla emkaam ki ya ki seiñ ri-loom kawa em i rukom pyrkhat kam ki jaitbru ri-loom.
Discussion about this post