Hadien wa pyndep ya ka SIR poi kiwa thap Vote 2,13,130 ngut ha West Jaiñtia | Boon dooh ha Nartiang Constituency

Ka Final Electoral Roll yong ki san tylli ki Assembly Constituency ka West Jaiñtia Hills kitæ ka 1-Nartiang, 2-Jowai, 3-Raliang, 4-Mowkaiaw wa 7-Amlarem da pynlait paidbah ka ynne ka sngi hadien wa pyndep ya ka Special Intensive Revision (SIR) ha ka yalang wa da pynman ha Amlarem wa Jowai.

Hawa pynlait ya ka Electoral Roll da u Deputy Commissioner, u Abhinav Kumar Singh da saam ki leh cha kiwa mihkhmat ki Political Party ha ka yalang wa da pynman ha Conference Hall u Deputy Commissioner Office, Jowai deiwa sakhi leh ka D.V. Lyngdoh, Additional Deputy Commissioner (Election) wa u Kyntu Shullai, MCS, Assistant Commissioner kamjooh u Block Development Officer, Laskein C&RD Block.

U Deputy Commissioner da pyntip u wa hapoh ka District deilang wa ka Amlarem Constituency da em 2,13,130 ngut kiwa thap Vote deilang ki 3159 ngut kiwa dang thymme kam kiwa thap Vote wei da em 496 tylli ki pyrtuid kiwa da chah pyndam kam kiwa thap Vote.

Da e khublei u leh ya waroh ki Party kiwa da ya krehlang yow pyndep ya ka SIR chwa i por wa da booh.

Katkam ka Final Electoral Roll, ka West Jaiñtia Hills District em ko 1,12,014 ngut ki kynthai 1,01,116 ngut ki chynrang kam kiwa thap Vote.

Related posts

Da 1,65,682 ngut hiar kiwa thap Vote ha Meghalaya hadien wa pyndep ya ka SIR

October 26, 2026

Lada toh wa ka sorkar BJP kohngooh ko ya ka Supreme Court ym mih i huri hura ha ka SIR: Dr. Kharlukhi

October 26, 2026

Hapoh ka Nartiang Constituency da em 47,000 ngut kiwa thap Vote kiwa kytnhup ya 22,668 ngut ki chynrang wa 24,332 ngut ki kynthai.

Hapoh ka Jowai Constituency da em 42,034 ngut kiwa thap Vote heiwa 19,384 ngut toh ki chynrang wa 22,650 ngut ki kynthai.

Hapoh ka Raliang Constituency da em 41,726 ngut kiwa kynthup ya 19,472 ngut ki chynrang wa 22,254 ngut ki kynthai.

Hapoh ka Mowkaiaw Constituency da em 41,168 ngut kiwa thap Vote kiwa kynthup ya 19,849 ngut ki chynrang wa 21,319 ngut ki kynthai.  

Hapoh ka Amlarem Constituency da em 41,202 ngut kiwa kynthup ya 17,743 ngut ki chynrang wa 21,459 ngut ki kynthai.

Kiwa thap Vote thymme da em ki 972 ngut ha 1-Nartiang (444 ngut ki chynrang wa 528 ngut ki kynthai), 618 ngut ha 2-Jowai (288 ngut ki chynrang wa 330 ngut ki kynthai), 863 ngut ha 3-Raliang (438 ngut ki chynrang wa 425 ngut ki kynthai), 706 ngut ha 4-Mowkaiaw (373 ki chynrang wa 333 ngut ki kynthai) katwa ha 7-Amlarem da em ki 653 ngut.