U Chief Electoral Officer (CEO) ka Meghalaya, u Dr. B.D.R. Tiwari da pyntip u ynne wa hadien wa pyndep ya ka Special Intensive Revision (SIR) ki Electoral Roll, 2026 deiwa kheiñ ya ka 1 tarik u October, 2026 kam ka Qualifying Date ha waroh ki 12 tylli ki District ka Meghalaya heiwa chwa ka SIR 2026 da em 23,49,645 ngut kiwa thap Vote heiwa 11,58,740 ngut toh ki chynrang, 11,90,898 ngut ki kynthai wa 7 ngut won kam ki Third Gender.
Hadien wa pynmih ya ka Draft Electoral Roll ha ka 05-08-26 kiwa thap Vote da em ki 21,69,243 ngut iwa mut wa da chah booh cha rood 1,80,402 ngut heiwa da phah Notice cha ki yow pynsakhiat ki kam kiwa thap Vote.
Hadien wa da dep u phah Notice wei da pynman ki Hearing, ha ka Final Electoral Roll wa da pynmih ynne kiwa thap Vote da em ki 21,83,963 ngut heiwa na kini da em 10,59,743 ngut ki chynrang, 11,24,216 ki kynthai wa 4 ngut ki Third Gender.
Deiwa pait yeiwa em kiwa thap Vote chwa wow pynman ya ka SIR wa hadien, da hiar da 1,65,682 ngut kiwa thap Vote iwa man 7.05%.
Na kiwa chah pyndam pyrtuid kiwa boon dooh toh kiwa da yap kiwa da em 81,490 ngut, kiwi won toh kiwa da yut chnong wei ki wym em de chem ya ki kamjooh kiwa em pyrtuid ar le thaw.
Da kyntu leh ya waroh kiwa thap Vote wow pyntikna ki wa em i pyrtuid ki ha ka Final Electoral Roll deiwa lai ka Website ka yung krehkaam u CEO https://ceomeghalaya.nic.in kamjooh ha ki Website ki jar jiar ki District wa ha Voter’s Service Portal ka ECI https://voters.eci.gov.in.
Discussion about this post