Poor i dur uwa siat yap ya ki 5 ngut ha Guwahati | Ka bei wa u khon chah siat ki na khlieh

Heiyatoh wa i chah siat ki 6 ngut heiwa da yap 5 ngut ki chiyung deilang wa uwa yah kari ki iwa da jia ynnin i miet ha Hotel Bilas Inn wa em ha Bora Service ka sorbah Guwahati, da tipmit ya uwa siat uwa tip kam u Ghanakanta Gogoi uwa da chah kem noh ha ki pulit ka Paltan Bazar ynnin hi ka miet heiwa da poor ki dur u Social Media kattæ.

Uni u bru da pynemkaam u da ka Pistol yong oo hi wa em License wei ini waroh da jia i neidaw wa ya kajia ya ka rukom chim wai u Ghanakanta Gogoi ya kani ka Hotel Bilas Inn kawa mantre da ka Helena B BHarali kawa da chah siat ha ini wa jia deilang u khon ko, u Devarshi Kashyap chirup ka kurim u ka Riniki wa u payu ka Helena uwa tip kam u Bhudev wa uwa yah kari ki uwa tip kam u Narayan Das uwa dang emyatoh ki leh.

U Devarshi wa ka kurim u, ka Riniki da em ki ar ngut ki khon kawi kawa 7 snem wa uwi uwa chi snem chiteiñ tangwa ym em emlang ki ha ini i por wa jia wei da man khonswet ki kattu.

Ki khubor wa da mih da ong wa kini kiwa chah siat da lai ki cha kani ka Hotel yow yaklam wa u Ghanakanta heiyatoh wa ka bai wai ka wym pu em su u wei katkam wa ong kawa emyatoh kiwa chah siat wa lai ki cheini neidaw wa da kular u wow su ya ka bai wai.

Ha ini wa jia, ka Helena wa u khon ko u Devasrshi da chah siat ki marjan na khlieh, katwa ka kurim u Devarshi, ka Riniki da chah siat ko na khlieh wa na rupai wei u Bhudev da chah siat u na ryngkhi.

Uwa yah kari uwa tip kam u Narayan won da chah siat u neibynta i dur khmat katwa uwa mynsoo uwa tip kam u Satyendra Pathak da toh kuli u na tympha neiliang timun wei da sumaar ya oo ha Guahati Medical College and Hospital (GMCH).

Related posts

Sahkut kari ha Shillong nei kylla ka Truck kit mooyong

October 27, 2026

Thiar yut uwa khrong nei tkoh hadien wa yoo ya u thyrnia

October 27, 2026

Hadien wa tip ki bru ya uni uwa siat yap ya kini, da mih ki khubor wa pynbaad wa oo toh uwa jooh man kam u dkhot ka ULFA-I tangwa da wan pyndem u wei ya kiwa pyndem da tip noh ki kam ki SULFA.

Da pynbaad leh wa kani ka Hotel Bilas Inn wa chim wai u Ghanakanta Gogoi toh kawa pynemkaam ki dkhot ka SULFA yow yachem wei em leh na ki kiwa jooh rahlang wa ki tiar yasiat.

Da em leh kiwa pynbaad wa uni u bru toh uwa man kam u dalal wa dai thaw wei da embynta u ha kiwa boon ki kaam yaknieh thaw.

Em leh kiwa pynbaad wa heipor wa em u hapoh ka ULFA-I man u kam u Sharp Shooter.