Ynnin i miet ka 26 tarik heipor kamwa 9:00 waje haroh, da em 6 ngut ki bru wa da chah siat ki ha Hotel Bilas Inn wa em ha Bora Service ka sorbah Guwahati heiwa na kini da yap 5 ngut, da ong u Commissioner of Police, u Partha Sarathi Mahanta.
U Partha da pyntikna u wa waroh kini kiwa chah siat toh kiwa na ka jooh ka yung wei i daw wa chah siat ki toh nei kajia heiyatoh wa i chim wai (Lease Agreement) ya i Hotel.
Da pyntikna u leh wa da em du uwi u bru wa emkti wow siat uwa da tip kam u Ghanakanta Gogoi wei da yoh leh ya ka 32-bore Pistol wa pynemkaam u heiwa da kem ya oo du hapoh chi kynta hadien iwa jia.
“U Ghanakanta Gogoi da chim wai u ya i Hotel neibynta chi snem wei i takit ya oo dang lai i chaphrang,” da ong u Partha.
Ya kiwa yap da tip kam ka Helena Bharali, u khon ko, u Devarshi Kashyap Bharali; ka kurim u Devarshi, ka Riniki Kashyap, u payu ka Helena, u Bhudev Bharali wa uwa yah kari, u Narayan Das.
Ya uwa mynsoo da tip kam u Satyendra Pathak uwa dang chah sumaar ha Gauhati Medical College and Hospital.
Discussion about this post