Katwa dang baam kachori chah tooh uwi Rs. 20 lak

I sangeh yow baam kyndeh ha rood sarok ha Jaipur da ktah bha i ya uwi u bru hadien wa em wa tooh ya ka muna wa rah u kawa em Rs. 20 lak. 

Ha i Video wa riñ da ka CCTV da yoo ya uni u bru wa ksoh u yei baam ha kti deiwa chong ha ka Scooty chwa wow chah tooh u.

Ini da jia i ha ka 26 tarik uni u bnai heipor kamwa 4:00 waje i sngi ha i bynta wa haap hapoh ka Nahargarh Police Station ka jylla Rajasthan wei ya uni u bru da tip kam u Champalal uwa pynlang ya ka poisa bai wai na ki dukan wow e cha u tre.

U Champalal da booh u ya ka muna wa em poisa ha thaw booh kjat ka Scooty wa chong u heipor wa sangeh u wow baam kachori wei heini i por da wan ki ar ngut ki bru da ka Scooty kiwa da chim wak ya ka muna. 

Related posts

Thung ka sorkar ya ka Ripnar Lyngdoh kam ka Chief Information Commissioner

October 28, 2026

Pdiang ka sorkar yei pynkylla ya ka kyndon ka aiñ Minor Mineral wow pynsuk ya ki paidbah

October 28, 2026

Mar johkhe yeiwa jia, u Champalal da beh u ya kini ki ar ngut katwa dang ksoh u yei baam ha kti wei heitæ da em leh ki tre chnong kiwa da beh ya ki ar ngut kiwa da yut na ini i thaw.

Neiliang ki pulit da Register ki ya ka Case ha Nahargarh Police Station hadien wa ujor u Champalal wei dang pait ki leh ya ka CCTV wow chemdien ya ki ar ngut.