U MLA warim ka United Democratic Party (UDP) na West Shillong uwa da psiah noh cha ka National People’s Party (NPP), u Paul Lyngdoh da ong u wa kani toh ka sien wa le ya oo wow psiah u cha kawi won ka seiñ saiñhima.
Da ong u wa da leh u yeini neidaw wa ka NPP da man ko kawa da chran wei heh mynsien bha wei wa man iwa suk wow kreh wa ki heh yong ka neibynta i bha.
Heiyatoh wa i duna ki seiñ Ri-loom ha Meghalaya, heiwa ka NPP da em ko 36 ngut ki MLA wei ka BJP 10 ngut, u Paul da ong u wa ini pynyoo i yeiwa da maad u heipor wa em u wa ka UDP neibhah wa da leh ki katwa ye hapoh ka Party wei iwa chem ha ka NPP man iwa duna chiboon bha ha ka UDP.
U Paul da kyntait u leh wow jubab yeiwa pynbaad u President ka UDP u Metbah Lyngdoh, uwa da ong wa ini i leh ki man iwa pynhiar ya ki kam ki MLA wa yut.
Heiyatoh wa i yoh chuki Minister, u Paul da ong u wa u Chief Minister Conrad K. Sangma da e kse u wow em le ngut ki MLA wow ye u yoh ya ka chuki Minister khnang wow ye u pyndap yeiwa emkaam ki Constituency wa ki thaaiñ ka jylla.
Da ban u leh deiwa ong wym em kiwon kiwon ki kyndon wow psiah cha ka NPP, wei u pdiang u kat ki kaam wa e kti ha oo.
Discussion about this post