Ka Marine Drive kawa man ka thaw wa pawnaam ka sorbah Mumbai da che i suiñ bneiñ ko da ka Drone Show kam ka dak wow lehkmen yei psiah ka Jio ha ka Stock Market.
Da ki spah ngut ki bru wa wan sakhi ya kani ka Drone Show kiwa da ksoh ya ki Mobile Phone ha kti wow riñ Video ya ini i pynche deiwa pynchna dur nadooh i dur uwa seiñ ya ka Reliance, i dur ka ri India wa kiwi de ha suiñ bneiñ.
U Anant Ambani leh dapoi u ha Marine Drive wow sakhi yeini kam ka lehkmen ya i lai luti ka Jio kawa man ka chnat ka Reliance Group.
Ya ka Drone Show da pynman ya Wankhede Stadium, katwa kiwa sakhi ya ka da wan ki ha Marine Drive.
I yung u Mukesh Ambani iwa tip kam i Antilia leh da che i deiwa thoh ya ki dak “Thank you, India. Jio aapne banaya”.
Kam wow kdaw heini ka Jio Platforms Limited da psiah ko ha Stock Market ynnin deiwa mih ha ka National Stock Exchange (NSE) wa ka Bombay Stock Exchange (BSE) ha i dor wa Rs. 1,358 ka Share wa ka Premium wa 21.36% wei ha ka yalang wai da emlang ka yung u Ambani wa kynthup ya u Mukesh Ambani, ka bei u wa ki khon ki ksu u.
Discussion about this post