U Deputy Chief Minister ka jylla, u Sniawbhalang Dhar da ong u wa emkaam bha yei krehlang ka sorkar wa ka Khasi Hills Autonomous District Council (KHADC) hadien i pynyoobor heiyatoh wa ka Shillong Ropeway Project, deiwa ngait skem wow bait i kaam ha ki sngi wow wan.
Da ong u wa ka Project da yohbor lut ko na waroh ki chnat sorkar deiwa kubur wa em i yaphær hapyrdi ka sorkar wa ka District Council.
I kynaad hapyrdi ka sorkar wa ka KHADC da mih bha i hadien wa pyrchah ka Council ya ka Company kawa pynkreh ya ka Project khlem yoh License wei da lai leh wow khang yei yung krehkaam.
U Sniaw da ong u wa hanla em i yaphær tangwa ymtoh u wit næ kah luti i nei wow kreh chirup.
Lada u chimkhia u wow wanrah hei yaklam hapyrdi ka sorkar wa ka KHADC, u Sniaw da ong u wa ini i kaam ym em i hapoh ki chnat yong oo wei u Chief Minister, u Conrad K. Sangma toh uwa miat dooh wow jubab.
Da ngaitskem u leh wa ini i yaphær daw ye noh u pynbait ya ki khnang wow lai bait ki kreh ha ki Project yong ka sorkar jylla wa sorkar pyrdi.
Discussion about this post