Kyntu u MP wow pynsakhiat lada ka Pistol wa siat ha Guwahati toh kawa na Nagaland

U MP ka Lok Sabha na Nagaland, u Supongmeren Jamir da kyntu u wow pynsakhiat wa ka Pistol wa pynemkaam hei wow siat ya ki 6 ngut ha ka 26 tarik uni u bnai ha Hotel Bilas Inn, Guwahati neibhah wa ka License wa e toh kawa na ka sorkar Nagaland.

I klam u Jamir toh hadien wa ong u Chief Minister ka Assam u Himanta Biswa Sarma, uwa da kylli kammon u bru wa 34 snem, u Ghanakanta Gogoi yoh u ya ka .32-Bore Pistol License na Nagaland hawa oo toh uwa na Dibrugarh, Assam.

I siat ha ka Hotel wa em ha Bora Service da wanrah i yei yap ki 5 ngut wa kynthup ya ka tre Hotel ka Helena Bharali, u khon ko u Debarshi Kashyap; ka pyrsa kurim ko ka Rinikia Kashyap, u payu ko u Bhudev Bharali wa u Narayan Das (uwa yah kari) hadien wa mih i awri nei em i sñiaw yaphær ha ka soskular chim wai ya ka Hotel.

Related posts

Khang u DC wow pynman yadaw masi ha ki Fete wa kiwi de ki tamasa

October 29, 2026

Emkaam ya ka sorkar wa ka KHADC u krehlang ki chirup: Sniawbhalang

October 29, 2026

U Jamis da kyntu u ya ka sorkar Nagaland wow pait ya ki kot ki sla waroh wei wow pyntikna wei pynche lada ka License toh kawa da e na ka jylla.

Ka Guwahati Police wa Forensic Team dang pait ki wa kammon ka Pistol wa em License na kawi ka jylla krehkaam ko ha ki thaw wa man yaaw ha Guwahati.