U MP ka Lok Sabha na Nagaland, u Supongmeren Jamir da kyntu u wow pynsakhiat wa ka Pistol wa pynemkaam hei wow siat ya ki 6 ngut ha ka 26 tarik uni u bnai ha Hotel Bilas Inn, Guwahati neibhah wa ka License wa e toh kawa na ka sorkar Nagaland.
I klam u Jamir toh hadien wa ong u Chief Minister ka Assam u Himanta Biswa Sarma, uwa da kylli kammon u bru wa 34 snem, u Ghanakanta Gogoi yoh u ya ka .32-Bore Pistol License na Nagaland hawa oo toh uwa na Dibrugarh, Assam.
I siat ha ka Hotel wa em ha Bora Service da wanrah i yei yap ki 5 ngut wa kynthup ya ka tre Hotel ka Helena Bharali, u khon ko u Debarshi Kashyap; ka pyrsa kurim ko ka Rinikia Kashyap, u payu ko u Bhudev Bharali wa u Narayan Das (uwa yah kari) hadien wa mih i awri nei em i sñiaw yaphær ha ka soskular chim wai ya ka Hotel.
U Jamis da kyntu u ya ka sorkar Nagaland wow pait ya ki kot ki sla waroh wei wow pyntikna wei pynche lada ka License toh kawa da e na ka jylla.
Ka Guwahati Police wa Forensic Team dang pait ki wa kammon ka Pistol wa em License na kawi ka jylla krehkaam ko ha ki thaw wa man yaaw ha Guwahati.
Discussion about this post