Da ki klur ka poisa chem ki pulit kawa tlep hapoh khyndaw ha iwi i yung

Ki pulit ka Prayagraj ka jylla Uttar Pradesh da chem ki ya ka poisa kawa da murieh hapoh le tylli ki Syntex khian deiwa tlep hapoh khyndaw heiwa da antaad wa ka poisa dapoi ko haddooh Rs. 3-4 klur.

Kani ka poisa toh da ki kot 500 bait wei da song ki da ka that chwa wow thap hapoh Syntex wei da tlep kamwa 5 meter chapoh khyndaw.

Ki pulit da chem ki ya kini ynnin i miet hadien wa em wa khana ya ki, kamtæ da lai ki cha iwi i yung wa em ha chnong Baraipur wei manda tih ki ya iwi i kamra da chem ki ya kini ki Syntex kiwa da song da ki Plastic rong yong.

Heiyatoh wa ini ki pulit da kem ki ya uwi u bru wei da khang kset ki leh ya ini i yung.

Related posts

Yoh jamin sa ar ngut ki dkhot ka KSU, sah sa uwi wa dang chah kset

October 29, 2026

Pynbna ka WJSU ya ki khynnah wa chah jied yow yoh Scholarship neibynta ki 12 bnai

October 29, 2026

Ki pulit da pyntip ki wa ini i yung toh i yong ki chi payu kitæ u Rakesh Yadav wa u Rajesh Yadav kiwa jooh kreh nachwa ha Pune wei da liwan biang ki cha kani ka chnong ha u 2020.

Da pyntip yeini cha ki pulit hadien wa mih i ya kajia hapoh kani ka chnong wei deiwa chrai da lai khana ki cha ki pulit wa kani ka yung em ko chiboon bha ka poisa kawa tlep ki hapoh khyndaw wei da sai ki kajiak chisien manda emkaam ki heiwa ym tip leh neiwon yoh ki ya kani ka poisa.

Kiwa chong chnong da ong ki wa hadien wa kini ki chi payu liwan ki cha chnong na Pune, da sdang ki wow thied thaw kamjooh ki Tractor iwa da pynphylla ya kiwa boon wa kammon da mahajon syndet ki.

Ki pulit da ong ki wa uwa da chah kem ym em bien u klam deiwa che hawa takit ya oo wei dang lai takit leh ya ka Company wa jooh kreh kini ki chi payu ha Pune.