Ka seiñ Khasi Jaiñtia United People Right’s Forum (KJUPRF) hapoh i yahkhmat u President ka Central Body u, Regeenal Shylla deilang u President ka West Jaiñtia Hills District u Rihi I Lyngdoh, u General Secretary ka West Jaiñtia Hills u Edelson Dkhar, u Sports Secretary, u Heinidao Dkhar, u Organising Secretary, u Dalammiki Nongrum, u dkhot ka Executive Member, u Shaining Dkhar da lai hiar ki cha ka chnong Moojem West Jaintia Hills District kawa em haka thaaiñ khappood wa ka jylla Assam.
I hiar ka seiñ cha kani ka chnong toh neibynta u e yarap dei khyndaw bilat, ki nar rot wa ki mooblok yow yoh chna pynbha pynmiat wei wow pynneh pynsah ya kawi ka tyllong umdih hapoh ka chnong.
U Regeenal Shylla da ong u wa hei lai hiar yong ki cha kani ka chnong da chem ki toh kawa dang sahdien bha khlem em ki sarok wa biang, ki thaw sumaar, ki skur, ka umbaam umdih, ka bordiñ næ kiwon kiwon ki laad yarap heiyatoh wa i roi i paar.
Ong u wa ka chnong Moojem toh kawa da rim bha da ki spah snem tangwa heiyatoh wa i roi i paar won dang sahdien bha ko ha waroh ki liang wot hawa toh kawa em hapoh ka ri India.
Pynrap haroh u wa kiwa chong chnong yong ka chnong Moojem em ki ka hok u yoh ya ka Central Scheme kamwa yohlang kiwi ki chnong ha ka ri India.
Discussion about this post