Da sdang ya ka Hospitality Training ha Jowai

Ka Mihmyntdu Community  Social Welfare  Association (MCSWA) kawa man ka seiñ kreh monsñiawbha (NGO) kawa da kreh neibynta i bha ka imlang sahlang da sdang ko sa kawi ka e sikai hei sien wa nyngkong kawa tip kam ka Hospitality Training hapoh ka Parivartan – Chalet CSR Initiative ha MCSWA Skill Training Centre, Salaroh, Jowai, West Jaiñtia Hills District.

Kani ka e Training toh deiwa ya krehlang ka MCSWA kam ka Training Partner chirup ka chnat Tourism deilang ka Hospitality Skill Council (THSC) da ka thong wow pynkhreh ya ki khynroo khyllood wow man kiwa pliah wei kiwa tip kammon wow pdiang sñiawbha ya ki bru wa wanke (Tourist) kamjooh wow e yarap para bru (Hospitality).

Related posts

Dei khyndaw-bilat, mooblok wa kiwi de e yarap ka JUPRF cha ka chnong Moojem yow pynneh pynsah ya ka tyllong um

October 30, 2026

Yoh ka MPSC ya ki dkhot wa thymme

October 30, 2026

Ka 1^st Batch kani ka Training toh kawa da sdang nadooh ka 8 tarik uni u bnai wei da yarap ko ya kitu ki khynroo khyllood ki wym pu em yoh khih yoh kreh wa kiwa pep skur chiteiñ por wow yoh sikai ha kini ki jait kaam deiwa ye u yoh kreh ha ki Hotel, Restaurant, Resort wa kiwi tawon ki jaitkaam wa sariem kam kini.

Ka MCSWA da pyntip ko wa lada em kiwi de ki khynroo khyllood kiwa kwah wow yoh kam kini ki jait sikai wa ye ki wow wan mih cha ka MCSWA Skill Training Centre kawa em ha Moosalyngkat (Salaroh Road), Jowai.