Pynman ka Shangpung College da ka Blood Donation Camp

Ka NSS Unit wa ka Red Ribbon Club yong ka Shangpung College hapoh i yahluti u Dr. D.G. Lyngdoh, Principal wa u E.B. Lytan, Vice Principal yong ka College, ha ka 30 tarik uni u bnai da  pynman ki yei e snaam mon sñiawbha (Voluntary Blood Donation Camp) deiwa krehlang wa ka Kyrmen Foundation deilang ka Jowai Civil Hospital Blood Centre.

Ha kani ka sngi da emlang leh ka Dr. I. Khyriam kawa man leh kam ka Officer In Charge yong ka Jowai Civil Hospital Blood Centre wa ki bru yong ka.

Hei klam yong ka da ong ko wa i e snaam hi toh kawi na ki kaam wa kongsan næ kawa bha tam u yarap ya kiwi tawon ki bru. Da kyntu ko leh ya kiwa lai puræ ka College hi waroh kawi wow nang pteiñ ki u leh kam kini ki jait kaam wa kiwi won leh ki kaam kiwa bha wa kiwa tei ya ka imlang sahlang hi waroh kawi.

Da embyntalang leh ka Aiti M. Mawlong wa u R. Lyngdoh na ka Kyrmen Foundation heiwa ka Aiti da e khublei kyrpang ko ya ka NSS Unit wa ka Red Ribbon Club yong ka College kiwa neipor cheipor jooh pynman ki kam kani ka jait Camp. Da kyntu ko leh ia ki Volunteer wow nang pteiñ ki u leh ya ki kaam kiwa bha dei wym khlem kheiñ yei yaphær niam næ jaitbru.

Related posts

Chah pyntieñ kiwa yakhih pyrchah Ropeway ha ki bor District, pyntip ka KSU cha u CM

October 31, 2026

Ka patok man ko ka skurbah ong ka KSU hadien wa yoh jamin waroh ki dkhot ka seiñ

October 30, 2026

Da pynkut ya kani ka yalang da ki kyntien tbian na u Emmitre Iakai (Programme Officer, NSS Unit) wa ki kyntien khublei na u Mar Archeki Kympad (Programme Officer, Red Ribbon Club) wei ya kani ka yalang da pynlai da ka P.E. Pala kawa man leh ka Assistant Professor ka Khasi Department.