Yoh ki pulit u kem ya uwa tooh ya ki chaka ki kari Thar

Uwa dang lai puræ MBA uwa em 23 snem i rta, da chah kem u ha ki pulit ka Gudimalkapur hadien wa tooh ya boon tylli ki chaka (Spare Wheel) na ki kari wa pynyieñ ha kiwa boon ki thaw ha Hyderabad wei na uni u bru da chem hadooh 15 tylli ki chaka deilang ki Rims.

Ya uni u bru da tip kam u Soban Ali Khan, uwa chong chnong ka Masab Tank wei uni u bru da tooh u du ki Spare Wheel ki Mahindra Thar wa ki kari SUV heiwa na ki 15 tylli ki chaka wa chem, 12 tylli toh ki yong ki Mahindra Thar, ar tylli ki Ford Endeavour wa kawi ka Ford EcoSport.

Katkam wa takit ki pulit, u Soban da pynemkaam u da ki tiar wa chim wai u na ki dukan chna chaka kari deiwa booh da ka Refundable Deposit kawa Rs 200 haooh Rs 300 wei hadien wa tooh u da pynuiñ u ya ki tiar cha kini ki dukan yow yoh biang ya ka Deposit u.

Ki pulit da chem ki leh wa uni u bru toh uwa da em 11 tylli ki Case wa da takit da ki 10 tylli ki Police Station wa em ha ka thaaiñ Hyderabad wa ar tylli ha Attapur kiwa yatoh wa ki kaam tooh.

Related posts

Ha i step ka 2 tarik u poi ka Cyclone Murasu

November 1, 2026

Da u moo blok boonsien sngoh uwi u khynnah ya kawi ka khynnah hapoh kamra skur | Yoh ka CCTV u riñ yeini wa jia wa yoo chyrkhei

November 1, 2026

Ya uni u bru da yoh wow kem ha 31 tarik u October na Navodaya Colony wei da lai yah oo cha ka yung bichaar ha Nampally yow paan bor u kset oo.

Uni u bru da chemdien ki pulit oo hadien wa yoh u riñdur oo da ka CCTV heipor wa tooh u ya kawi ka chaka ka Mahindra Thar ha ka 20 tarik u October heiwa ya ka chaka hadien wa looid ka na ka kari da kit u ka da ka Scooty.