Ka United Democratic Party (UDP) ynne ka sngi da pynbna ko yei rai wow mih noh nei ya krehlang wa ka sorkar MDA-II wa yahkhmat da ka National People’s Party (NPP).
Hawa pyntip yeini, u General Secretary ka UDP uwa man leh u MDC ka Sohra, u Titosstarwell Chyne da ong u wa ini i rai da chim ha ka yalang wa jhan wa da pynman ynne ka sngi ha ka yalang jhan ka CEC heiwa da yoh leh yei pynche hajrong i hiar chuki u Montri sorkar u President wa MLA samen ka UDP, u Metbah Lyngdoh.
Ka UDP kawa da jop hadooh 12 ngut ki MLA ha ka Election 2023, kattæ da sah ko sa du uwi u MLA uwa man leh u President ka Party.
Ini i kylla ka seiñ saiñ pyrthai ha ka UDP da jia i hadien wa mih ki 8 ngut ki MLA yong ka yow lai psiah noh cha ka BJP kawa ya krehlang ha ka sorkar, katwa 3 ngut won da lai psiah noh ki cha ka NPP ha ka tayaaw wa dadep iwa da wanrah leh yei hap pynbna hiar chuki noh u Metbah heiwa da chimkti won ya ka chuki da u MLA warim ka UDP uwa dang dep psiah cha ka NPP, u Paul Lyngdoh.
Hawa kylli, u Titos da ong u wa kani ka rai u krehkaam ko chisiendon wei daw phah noh dei thoh cha u Montri Rangbah uwa man uwa yahkhmat ka sorkar MDA-II.
Da ong u leh wa i daw wa da mih noh nei ya krehlang hapoh ka sorkar to neidaw kattæ em sa du uwi u MLA wei heipor wa sdang da em 12 ngut ki MLA.
Discussion about this post