Ynne i step uwi u nong India da yap u katwa le ngut kiwi tawon da mynsoo ki hadien wa yatyrrah ki Helicopter katwa dang pyrchang ki wow hiar ha ka Helipad ha Solukhumbu District ka ri Nepal iwa em ha luti wow lai cha Mt. Everest Base Camp.
Ini da jia i ha Pheriche Helipad, iwa ngai kamwa 150 Km na Kathmandu.
Kini ki Helicopter toh kiwa pynlai da ka Fishtail Air wa ka Dynasty Air wei ka Nepal Police da ong ko wa ini da jia i heipor wa pyrchang ki wow hiar wei waroh ar da mih na Lukla Airport.
I Video wa mih da pynyoo ya ki Rotor Blade ki Helicopter wa tyngkhooh katwa dang pyrchang wow hiar heijooh i por wei heijooh i thaw.
U nong India uwa uiñke ha katai ka ri uwa yap toh uwa na Chennai, Tamil Nadu ya uwa tip kam u Vasanth Kumar Balaramaramadu (47) uwa em hapoh ka Fishtail Air Helicopter.
Sa uwi uwa na India uwa tip kam u Shailesh Krishna Patel (49 snem) uwa da chong da sah ha New Zealand wa em ha kani ka jooh ka Helicopter leh da mynsoo wei da kit ya oo cha Mediciti Hospital ka Kathmandu da ka Prabhu Heilicopter.
Ki Pilot Nepal kiwa mynsoo kynthup ki ya u Rabindra Prajapati na ka Fishtail Air wa u Prajwal KC na ka Dynasty Air wei ya kini leh da kit cha Kathmandu.
Discussion about this post