Pynmih kyndon ka Shangpung Pohchnong wow yada ya ka Wah Umiurem wa i chongsuk

Ka VDP Shangpung Pochnong kamjooh ka Dorbar Chnong Shangpung Pohchnong chibynta wow pynchngaaiñ ya ka imlang sahlang, da booh ko ya ki kyndon maham khnang wow yada ya ka Wah Umiurem wa i chongsuk.

Ki kyndon man ki kamni:

Ym chah wow khwe palat ya ka 7:00 waje i miet heipor tlang wa 8:00 waje i miet heipor lyiur ha chi lynter ka wah Umiurem kawa haap hapoh u pood yong ka Dorbar Chnong Shangpung Pohchnong.

Ym chah wow pynemkaam jaar næ tasi heipor wa khwe kamjooh u ya khwe rok ha chi lynter yong ka wah.

Ym chah ya kiwon kiwon ki kari wow pynheh ya ki sur tem hapoh u pood u ang yong ka dorbar chnong khamtam hei miet.

Ym chah ya kiwon kiwon ki kari wow pynyieñ ha ki thaw wa kdong wa ki thaw wa doom hei miet.

Ym chah ya kiwon kiwon ki kari wow yah pynhær smat hapoh u pood u ang yong ka dorbar chnong.

Ym chah ya kiwon kiwon ki bru wow chongke, chong dih kiad ha ki thaw wa doom khamtam palat ka 9:00 waje i miet.

Ym chah ya ki dukan wow dai kiad hei step, i sngi khamtam ya ki khynnah kiwa dang hapoh 18 snem i rta.

Related posts

Yap 8 ngut kiwa khih mylla nei chah riñ bordiñ

November 3, 2026

Kylla dur ka State Central Library deiwa chna pynthymme | Da wai leh ya ka House of Ryndia

November 3, 2026

Ym chah wow klam ya ki ktien khlem akor hapoh chnong poh thaw.

Ym chah wow noh jakhlia hapoh chnong poh thaw kamjooh charood yong ka Wah Umiurem.

Ym chah ya ki bru wa na baar yong ka chnong wow lai wow yieñ ki palat i por 9:00 waje i miet lait noh du kitu kiwa emkaam.

Lada chem ya kiwon kiwon kiwa tyngkheiñ ya kini ki kyndon, ka VDP Shangpung Pohchnong daw pynchitom ko katkam ki kyndon aiñ yong ka.

I pyntip na u President ka VDP Shangpung Pohchnong, u Heipormi Law wa u General Secretary, u Chibaitmi Langstang.