Pynkut kawi yei mynsien deiwa leh Live kawa man leh kawa yakhih yei hok ki ST

Ka Nisha Bhagat kawa man kam ka jaitbru ri-loom wa tip kam ki Adivasi ha Jharkhand da pynkut ko yei mynsien heipor wa leh Live ha Facebook wei deiwa Phone ko leh cha ki pulit yow pyntip wa daw leh ko yeini iwa da jia ynnin ka sngi ha Ranchi.

Ka Nisha Bhagat (38 snem) toh kawa kreh monsñiawbha yei hok ki Adivasi wei heipor wa leh Live ko iwa da neh kamwa 10 minit haroh, da klam ko yei chem chitom ko heiwa da yakhih ko samen wei ka sorkar leh ym ye ko wow yarap ya ka pyrchah ya ki Land Mafia kiwa da knieh yei thaw ki Adivasi.

Ka Nisha da yakhih ko leh yow pyndooh noh yei tipmit kam ki Scheduled Tribal ya ki Adivasis kiwa da kylla cha ka niam Christan.

Yei daw wa pynkut ko yei mynsien ym pu tip tangwa hei klam ko heipor wa leh Live da yoo leh wa yaam ko hadien wa chah klambeiñ ko Online deiwa em ki bru wa khut ka kam ka “Dalal” heiwa da pynche ko wa kreh ko samen wei ym em yatoh ko wa kiwon kiwon ki seiñ tangwa heini i por wa leh Live Stream ko da ong ko wa sñiawsih ko wym em yoh kyrchaan ko na ka RSS wa ka BJP.

Heini i por wa leh Live Stream da Phone ko leh cha u Inspector ka Pithoria Police Station yow khana wa daw pynkut ko yei mynsien deiwa kylli leh wa kammon ka Case i chah tooh i yung ko wym em wa chah kem wei ileh wym em leh pynchitom ya kitu kiwa pyndik ka.

Related posts

Heipor wa e sikai pynemkaam JCB pynchna syndon ya ka luti yongrim wa jooh lai ki syiem na Jaiñtiapur cha Nartiang

November 6, 2026

Yoh ki ar tylli ki thaw sumaar ka West Jaiñtia Hills yei tipmit na ka National Quality Assurance Standards

November 6, 2026

Ki pulit hadien kattu katni por dapoi ki cha i yung ka Nisha tangwa dadep ko wow pynkut yei mynsien heiwa da kit ka cha RIMS Hospital heiwa da pyntip wa da khlaad chwa ko.

U pa ka Nisha uwa tip kam u Handu toh uwa kreh monsñiawbha hi neibynta i hok ki jaitbru ri-loom heiwa ka leh da bood ko ya ka nongmuna yong oo.

Da pyndep ko yei puræ puthi ha ki kaam Hotel Management na Durhapur heiwa hadien da lai kreh ko cha Bengaluru tangwa da liwan biang ko cha chnong ko yow yaleh neibynta i hok ki Adivasi nadooh wow yada ya ka rukom im, ka niam, ka riti dustur deilang i khyndaw u chyiap wa ki khloo ki kjam.

Ha u December 2025 da yahkhmat ko yei yakhih yow pyrchah yei kylla niam deiwa dawa wow dam noh u tipmit ya ki Adivasi kam ki ST wei wow pyndooh leh yei hok yong ki kam ha ki Reservation.