Ka Meghalaya High Court da pyndam ko ya ki FIR wa ki mukotduma pyrchah ya ki 6 ngut ki chynrang kiwa da chah pynngat hapoh ka aiñ POCSO hadien wa wan ki kynthai chakhmat yow kyrpaad yeini.
Ka High Court da pyndam ko ya ka FIR wa da booh ha Khliehriat Women Police pyrchah ya uwi u bru uwa da chah pynngat hapoh ka aiñ POCSO Act hadien wa ka kynthai da booh ko yei kyrpaad hakhmat ka yung bichaar.
Heipor wa jia ka FIR, ka kynthai toh kawa 16 snem wei u chynrang won 19 snem tangwa katni da em ki yei khon kynthai iwa le snem i rta.
Kini ki ar ngut leh dadep ki wow bia ha ka 15-10-26, kamtæ ka yung bichaar da pyndam noh ko ya ka mukotduma kawa da yaleh ha u snem 2023 heiwa ya ka hukum da pynmih ha ka 28-10-26 da ka High Court.
Sa ha kawi kawa sariem yei jooh, kawi ka kynthai da kyrpaad ko wow pyndam ya ka FIR wa da booh ha Khliehriat Women Police Station pyrchah ya u chynrang uwa da chah pynngat hapoh ka aiñ POCSO Act heiwa ka Case toh yong u snem 2021.
U chynrang katni toh uwa em 25 snem katwa ka kynthai won 22 snem wei da em ki leh yei khon iwa 6 snem i rta wei da im ki kam ki chi kurim deiwa hun leh ki yung ki sem ki.
Kani ka kynthai heipor wa punkhon ko toh deiwa yalang chan wa u chynrang heipor wa dang lai skur ko wei chong Class 10 ko wei da kha khon ko ha u snem 2020.
Heiyatoh wa kani leh ka High Court da pyndam ko ya ka mukotduma pyrchah ya u chynrang ha ka hukum wa da pynmih ha ka 28-10-26.
Sa kawi won ka FIR kawa da dawa wow pyndam toh kawa da booh ha Sadar Police Station heiwa u chynrang da chah pynngat u hapoh ka aiñ POCSO heiwa ka Case toh yong u snem 2024.
Ha kani won ka Case, ki ar ngut da im ki kam ki chi kurim heiwa da em ki ar ngut ki khon heiwa iwi toh iwa 4 snem wei iwi won iwa 3 snem wei dadep ki wow bia.
Kini ki ar ngut toh kiwa da yalang chan ha u snem 2021 heiwa ka kynthai da punkhon ko nyngkong u snem 2022.
Ha kani leh ka High Court da pyndam ko ya ka mukotduma pyrchah ya u chynrang katkam wa da kyrpaad kynthai ha ka hukum wa da pynmih ha ka 28-10-26.
Sa kawi won ka FIR wa da booh pyrchah ya u chynrang ha Mairang Police Station uwa da chah pynngat ha ka aiñ POCSO leh da pyndam ka hadien wa da kyntu ka kynthai hakhmat ka yung bichaar heiwa kini ki ar ngut toh kiwa im kam ki chi kurim wei dadep ki leh wow bia ha ka 27-10-26 wei da em ki le ngut ki khon kawi ka khon kynthai kawa 4 snem wa ar ngut ki khon chynrang uwa ar snem chiteiñ wei uwi uwa dang 5 bnai.
Ya ka hukum wow pyndam ya ka mukotduma pyrchah ya u chynrang da pynmih ha ka 30-10-26.
Kawi won ka FIR wa da pyndam pyrchah ya u chynrang toh kawa da booh ha Madanriting Police Station uwa da chah pynngat hapoh ka aiñ POCSO heiwa heipor wa booh ya ka FIR, u chynrang em u 19 snem 8 bnai katwa ka kynthai won 16 snem 10 bnai.
Kattæ u chynrang da em u 26 snem 6 bnai wei ka kynthai won 22 snem 8 bnai wei da em ki ar ngut ki khon iwi 5 snem wei iwi won 3 snem wei da im ki kam ki chi kurim nadooh u snem 2020 wei kattæ ka kynthai da punkhon ko hei sien wa le wei ki yung ki sem yong ki leh ym em pyrchah ki yeini.
Ha kani ka kynti leh ka kynthai da kyntu ko wow pyndam noh ya ka FIR heiwa ka High Court da pyndam ko ya ka mukotduma pyrchah ya u chynrang ha ka hukum wa da pynmih ha ka 28-10-26.
Sa kawi won ka FIR wa da dawa ka kynthai wow pyndam noh pyrchah ya u chynrang toh kawa da booh ha Mairang Police Station heiwa ka kynthai da ong ko wa heipor wa jia, ki man ki kam ki chi chan wei kattæ da em ki ya i khon iwa 5 snem i rta wei da im ki kam ki chi kurim.
Heipor wa jia ini, u chynrang toh uwa 23 snem wei ka kynthai won toh kawa 17 snem.
Ka High Court da pyndam ko leh ya kani ka mukotduma pyrchah ya u chynrang ha ka hukum wa da pynmih ha ka 28-10-26.
Discussion about this post