Ka Khasi Students’ Union (KSU) Mawprem Circle hei miet ka 8 tarik kawa man leh ka sngi lehkmen Diwali, da pynman ko yei lai sylli cha ki bynta waphær waphær yong ka Mawprem yow pynsangeh ya ki bru kiwa dang thang bomkala hadien i por wa da booh ki bor District hadooh 10:00 waje i miet donhi.
Yeini da leh ka seiñ hadien wa dadep thoh cha u DC chwa wow sdang ka Diwali yow dawa pynkrehkaam deiwa rkhiñ ya ki kyndon wa da pynmih kamjooh i por wa da booh da ka Supreme Court heiyatoh wa i thang bomkala.
Ka seiñ da pynkynmoo ko wa katkam ka Notice wa da pynmih da u DC wa da e por wow thang bomkala nadooh 8:00 waje i miet hadooh 10:00 waje i miet donhi.
Neiliang ka seiñ da pynche ko leh wa ini wa leh ko ymtoh wow pyrchah yei lehkmen tangwa wow pyntikna wa waroh ki paidbah u burom wei bood ryntih ya ki kyndon aiñ kiwa da booh da ki bor wa toh u pait yeini.
Ka seiñ da ngiat skem ko wa i lehkmen yong uwi ymtoh u ktah ko ya kiwi won khamtam ki para marjan deiwa kyntu ya ki paidbah wow em yei kithlieh wei wow burom ya ka aiñ wei wow pyrkhatlang yei chongsuk wei chngaaiñ yong waroh.
Discussion about this post