Yoh ka Meghalaya Rs.18.78 klur na ka sorkar pyrdi khnang wow pynneh yei suk

Ka Ministry of Home Affairs (MHA) da pynlait ko ya ka poisa man-u-snem hapoh yong ka Security Related Expenditure (SRE) Scheme heiwa ha u 2025-26 da pynlait ko hadooh Rs. 453.26 klur ya ki jylla ka North East.

Ha uni u snem ka Assam da yoh ko hadooh Rs. 199.47 klur, ka Manipur Rs. 116.69 klur, bood sa ka Nagaland Rs. 50.98 klur, ka Tripura Rs. 45.80 klur, Arunachal Pradesh Rs. 21.54 klur wa ka Meghalaya Rs. 18.78 klur.

Ka sorkar pyrdi da sdang ko ya ka SRE Scheme nadooh u 1995 wow su salan (Reimbursement) ya ka poisa wa pynlut ki jylla hei yakhun wow pynneh yei chongsuk wei wow yakhun pyrchah ya ki seiñ kieñ suloi. 

Ya kani ka Scheme da pynkreh ha waroh ki jylla ka North East lait na ka Mizoram wa Sikkim.

Related posts

Pyndam ka High Court ya 6 tylli ki Case POCSO pyrchah ya ki chynrang hadien wa booh ki kynthai yei kyrpaad

November 8, 2026

Thoh kiwa chet-ja skur ka Meghalaya cha u CM ka Assam yow yarap yaklam wa u Modi

November 8, 2026

Hapoh kani ka Scheme, i lut i sep neibynta ki pulit wa kiwi ki bor sonteri da yabhah hapyrdi ka sorkar wa ka sorkar jylla man i 90:10.

I lut i sep toh neibynta wow chah hikai ki pulit ki jylla, ki patok, wow pynkhai ya ki State India Reserve Battalions, wow chna ya ki thaw neibynta ki Central Armed Police Forces (CAPF), i lai i wan ki CAPF wa ki chipai ha ki jylla. 

Kani ka Scheme kynthup ko leh ya ka poisa wa e yarap namo ka Ex-Gratia Grant cha kiwa chah ktah na ki kaam ki damok kieñ suloi, wow kit ya ki dkhot ki seiñ, ka Honorarium cha ki Village Guards, Village Defence Committee, Village Defence Force, Special Police Officer wa ki Home Guard wa phah kreh kyrpang.