Ynnin ka 9 tarik kam chibynta yong ka Pharmacy Week 2026 yong ka Pharmacy Council of India, neiliang ka Meghalaya Pharmacy Council (MPC) chirup wa ka MGPA, ka Pharmacy Department yong ka 100 Bedded MCH Hospital Jowai da lehwarom ki ya kani ka tayaaw lehkmen ha Iawmusiang, Jowai.
Ka phang pyrdi yong kani ka tayaaw ha uni u snem toh kawa ong “Combating Anti Microbial Resistance (AMR)”.
Kam chibynta yong kani ka sngi da pynman ya ka Nukkad Natak (Street Play) ha Iawmusiang, Jowai ya kawa pyrtuid “Ka Thma Wym Che U Yoo” kawa klam chaphang i pynemkaam yei dawai deiwa em i kitkhlieh deiwa yachem chwa wa ki Doctor chwa wow dih ya kiwon kiwon ki dawai.
Da batai leh wa hadooh katwon wa ye u chah ktah lada dih bakla leh ya ki dawai Antibiotics.
Chwa ka lehke da em ka yalang wa tbian kawa pynlai da u Michael Pariat uwa man u dkhot ka Meghalaya Pharmacy Council, heiwa da yoh i klam wa tbian na u Anthony Laloo uwa man u Registrar ka MPC deiwa sakhilang ka Iadalin Synrem wa u Deciding Pde.
Discussion about this post