U khlieh ka Congress ha Meghalaya uwa man leh u kyrtong ka Congress cha ka MP By-Election, u Vincent H Pala da ong u wa em bait i yut seiñ ki bru khamtam chwa ka Election deiwa pynrap wa em chiboon i bor wow pynbiej ya ki bru, wei ya ini da ong u heiyatoh wa i kam u State President ka BJP, u Rikman Sangma wa daw em ki MLA wa MDC ki wow psiah cha ka BJP.
Da e nongmuna u wa kiwa dang psiah wot cha ka BJP ini wadep da wiarnar bha ki katni heiwa daw liwan biang ki cha ka seiñ tre yong ki lait na u AL Hek wa u Sanbor Shullai heiwa ye ki wow liwan biang cha ka UDP næ cha kiwi ki Party.
Chooh chooh da ong u wa i kular ki heh ka BJP toh u ksoh ki lym kamtæ daw dooh ki wot yeiwa em ki.
U Vincent da ong u wa ka BJP da kular ko ya u mooyong wa kiwi tangwa ym jooh ksoh ko yeiwa kular ko.
Da kdaw u wa ka BJP najrong wym jooh ksoh ko yeiwa kular, ym lai bait i krehkaam ko wei ki paidbah hi ym pu ye ki wow pdiang ya ka BJP ha ka jylla.
Heijooh i por da ong u wa hanlada sñiawthooh ka BJP yeiwa chem chitom ki bru tangwa ym pyrkhat ki ya ki khian paaid wa ki Christan.
Discussion about this post