Ki kattu katni ngut ki bru ha ka jhaad kit bru (Luxury Cruise Ship) ha ka wah Mississippi, New Orleans, USA dapoi Hospital ki neidaw wa mynsoo hadien wa chah tyrrah ka jhaad wa chong ki ha ka jhaad kit phñiang ynnin ka sngi.
Ha ki Video wa da mih da yoo ya ka jhaad kit phñiang wa tyrrah ko ya ka jhaad wa kit bru wei da ngam ko du hadien katni por wa kylla ko dei chrooh heiwa ki bru da yut ki deiwa yimpa na ka.
Ka Mayor ka New Orleans ka Helena Moreno da ong ko wa ym em wa yap ha ini i jia deiwa yaroh ko leh yei smat ki Rescue Team, Fire Fighters, Harbour Staff wa kiwi ki bru wa em ha ki lieñ wa hajan.
Ka Moreno, da ong ko wa em 180 hadooh 190 ngut hapoh ka jhaad kit bru wa pyrtuid American Heritage wa pynlai da ka American Cruise Lines.
Kamwa 32 ngut kiwa mynsoo da kit cha thaw sumaar.
Ini da jia i heipor wa ka jhaad kit phñiang ka Atlantic Asphalt da lai lait ko wei da tyrrah ko ya kani ka American Heritage kawa da kylla wei ngam ko ha ka wah.
Discussion about this post