Yirngam biang ki thaw wa chah ktah nei tih mooyong | Yoh khih biang deiwa ya krehlang kiwa chong chnong

Ki chnong wa da chah ktah nei tih mooyong kiwa em ha South Garo Hills da sdang ki wow sakhi yei kylla dur deiwa krehlang kiwa chong chnong yow pynyirngam biang ya ki thaw kiwa da yap da tlor yow e laad biang u yoh khih yoh khan ki wei yeini da lai pynyoo kam chibynta ka Press Tour wa pynman da ki bor District lyngba ka Directorate of Information and Public Relations (DIPR) yow lai yah ya kiwa thoh khubor na Shillong cha kini ki thaw.

Ha ini i lai cha kini ki thaw da yoh wow yoo yei kreh wa da wanrah da ka Meghalaya Livelihoods and Access to Markets Project (MegLIFE) ha chnong Dobakol Awemong wa Agrenggitim kiwa em hapoh ka Siju C&RD Block, heiwa i thaw wa heh 84.77 Hectares wa da sih neidaw wa tih mooyong da ye wow pynkhai im biang ki.

Da lai leh wow pait yei thaw wa thung ya u phlang Citronella uwa ye wow pynemkaam yow chna ya ki phñiang wa bih ha chnong Nangalbibra kawa man leh kam chibynta wow e khih ya ki bru da iwa thymme hapoh ka District.

Na ka 70.83 Hectare i thaw wa da ye wow pynim iwa da leh hapoh ka Assisted Natural Regeneration (ANR) da leh deiwa thung 400 tylli ki tre phlang ha man ka chi Hectare i thaw wa da chah ktah nei tih mooyong. Sa 13.94 Hectare won da pyenkaam yow thung ya u Citronella wa u Lemongrass kiwa man leh kam ki mar rep wa ye u dai.

I thung ya u Citronella ha chnong Agrenggitim toh iwa da sdang ha u snem 2023 deiwa thung hadooh 7 lak tylli ki symbe Citronella ha i thaw wa heh 13.94 Hectare iwa da leh deiwa chibynta ki kynthai kani ka chnong.

Uni u phlang toh uwa ye leh wow pynsboh biang yei khyndaw wei ha u snem 2025 won da thung da ki dieñ yow pynmih biang yei khloo kamwa jooh em.

Related posts

Yoh Guiness World Record ka 50th Hundred Drums Wangala Festival

November 14, 2026

Khut ka MPSS Training Centre ya kiwa kwah wow man Security Guard | Da pynlait Form neibynta ka 17th Batch

November 14, 2026

Yow yarap ya kiwa chong chnong, da sdang leh ya ka Distillation Unit yow sai yei phñiang (Essential Oils) na kini ki phlang wei kattæ da pna leh hi da kiwa chong chnong yeini deiwa yarap leh ya ki wow chem ki yaaw ki haat yow dai ya kini.

Uni u phlang Citronella najrong wa pynmiat pynbha biang u yei khyndaw, da yarap u leh hadooh wow pynbha ya ki um deiwa ksoh yei khyndaw yow lait u kai i.

Ini iwa da leh ha chnong Dobakol Awemong, Agrenggitim wa Nangalbibra da pynyoo ko wa deiwa ya krehlang kiwa chong chnong khamtam ki kynthai da ye wow pynkylla dur ya ki thaw wa chah ktah nei tih mooyong kamjooh wow man ka laad yoh kreh kamjooh wow kamai.