Kawi ka bru kawa na Jowai kawa lai puræ ha Shillong da chah thok poisa ko ha ki bru wa yachem ko Online kiwa da kular chiboon ka nong lada thap poisa ko ha ki jait kaam Affiliate Marketing.
Da pyntip ko wa nyngkong da yoh Message ko ha Facebook lyngba ka Profile wa em pyrtuid Dida Banda wei kini ki bru toh kiwa tip u klam dei ktien Khasi.
Kini ki bru da pyntip ki wa manda thap poisa Rs. 1000 daw yoh Rs. 6,500 du hapoh 30-40 minit.
Hadien won kini ki bru da paan ki da i Number WhatsApp heiwa da yaklam won ha WhatsApp deiwa khana chooh chooh wa lada su rap boon hadooh Rs. 3,999 daw yoh leh rap boon hadooh Rs.15,999 du hapoh 10 minit.
Kamtæ kani ka bru da phah ko Rs. 5000 heiwa ar sien Rs. 2000 wa chisien Rs. 1000.
Kini ki bru hadien ini da ong ki wa hap wow su sa ka bai Security Deposit yow yada ya ka nong yow lait u dooh ka.
Kini ki bru da phah ki leh wow su ya ka Tax kawa Rs. 10,800 deiwa ong wa manda su ya kani daw ku ka nong cha Rs. 36,000.
Hadien wym em poi ka poisa kamwa da kular chwa da sñiawthooh wa da chah thok deiwa phah ma phah su poisa ki ka.
Kani ka bru da ong ko wa da leh ko yeini neidaw wa emkaam poisa yow su ya ka bai puræ wei da kwah ko leh wow em khih. Kamtæ da kyntu ko ya kiwi wym toh u chah pynbiej ha kam kini ki bru.





Discussion about this post