Ha iwi iwa da jia ha Udaipur, Rajasthan da yoo ya uwi u bru uwa lai yaklam wa kawi ka pharæng kawa wan uiñke suwari cha India heiwa da ong u ya ka “One Photo, One Kiss Please” hadooh wa khyrngiat kani ka bru wei da pteiñ u deiwa ong “One Lip Kiss” deiwa pyndik won ka deiwa ong ma ong “Please” boonsien.
Ini da jia heipor wa kani ka bru dang leh Live Stream ko hawa em ko ha kawi ka mela wa da pynman ha Udaipur.
Hadien wa poor ini i Video, ki pulit da kem ki ya uni u bru deiwa pynngat Case oo hapoh ki kyndon wa leh khlemakor ya ki kynthai heiwa ya ka takit da leh da ka Surajpole Police Station.
Kani ka bru man ko leh kam ka Youtuber wei uwa chah kem da tip kam u Aftab uwa khut siñ kam u Gabru.
Ha i Video wa pynlait ki pulit ka Udaipur da yoo ya u Aftab wa paan maap u deiwa ong wa sihlet u wei da kyntu leh ya kiwi wow burom ki ya ki kynthai.
Ki bru wa yoo yeini i Video da ong ki wa India toh u ye bha ko wow khriñ ya ki Tourist tangwa deiwa em kam uni u bru da tieñ ki bru wow wan cha India khamtam ki kynthai.





Discussion about this post