U Tourism Minister ka jylla, u Paul Lyngdoh da pyntikna u wa da biang ki bor yada neibynta ka Shillong Cherry Blossom Festival, wei i yakhih pyrchah ya ka Shillong Ropeway Project ym ktah ko ya kani ka tamasa.
Hawa kylli lada i yakhih Ropeway ye i u ktah ya ka tamasa, u Paul da ong u wa da pynkhlan ya ki bor yada deiwa pait ya ki tamasa wa dadep nachwa.
Da ong u wa ki tamasa Cherry Blossom kiwa dadep da man ki ka nongmuna ya ka sorkar wow pynbiang ya ki bor yada. Da ong u wa lada lai kat chawa em ha pyrthai lada ha Jantar Mantar wa em yakhih tangwa ha kiwi ki bynta ka nongbah Delhi won em hi ki tamasa.
Chooh chooh da ong u wa ka Joint Action Committee (JAC) ympu em u kynjoh ktien ko wa oo hanla em u ha Secretariat la ar snem tam.
Heiyatoh wa ki wow pynwyrngia da ong u wa ha uni u snem da pyrchang wow pynkmen ya waroh ki rta heiwa u Nelly u rwai u ha ka 20 tarik u November neibynta ki Millennials kiwa 30-45 snem katwa u Khalid u rwai u ha ka 21 tarik u November neibynta ki Gen Z.





Discussion about this post