Ka Khasi Jaiñtia Christian Leaders Forum (KJCLF) da pynsñiaw ko yei sñiawkhia yei ood i naam wa mih nei pyrchah khamtam da kitu kiwa chah ktah nei pynkrehkaam ya ka Shillong Ropeway Project kiwa chong wa sah ha thaaiñ Riat Laban wa ki chariñ loom ka Shillong Peak.
Kiwa yahkhmat Christan da ong ki wa da yoo ki yei kitkhlieh wa da chim da ki kynthai wa ki manbei kiwa da sñiawkhia wei kiwa kwah wow pynneh pynsah ya ka um hapoh ka sor Shillong neibynta ka katni wa ki por wa daw wan.
Ka Forum da kdaw ko leh wa ki kynthai da em bait ki hakhmat wow pynsñiaw yei sur yong ki ha kiwon kiwon ki kaam kiwa ktah yei hok ki bru.
Ka KJCLF da pait ko leh yeiwa thrang ka sorkar wow wanrah ki kaam pynroi kamjooh ka kamai chapoh ka jylla deiwa wanrah da kani ka Ropeway Project kawa ryngkat wa kiwi ha pyrthai. Tangwa hawa wanrah ka roi ka paar hap leh wow pait lada pdiang kiwa chong chnong khamtam ha ka synchaar paidbah.
Kamtæ ka KJCLF da kyntu ko ya kini ki ar liang kiwa da yataan tylle wow ya pyrkhat ki deiwa ap uwi ya kawi wei yow poi chei ya sñiawthooh deiwa hunlang da waroh.
Chooh chooh da ong wa ka KJCLF ymtoh kawa chemphang hadooh wow klam yei myntoi wei dooh nong deiwa em ka Ropeway wei da tyrwa ko wow em sa kawi ka liang kawa laitlooid kawa em da ki Expert ki wym yachah chiliang kiwa chaniah da waroh arliang ka wow ap u sñiaw yeiwa tyrwa ki ar liang wei kani won u tyrwa ko yow jied da iwon iwa miat dooh.
Da ong leh wa kani u man ko ka jooh ka thong ka 2026 UN Water Conference kawa daw pynman ha u bnai wa daw wan hajrong ka phang pyrdi, “Delivering the Water Action Agenda: From Commitments to Action ” focussing on the Sustainable Development Goal (SDG 6): Clean Water and Sanitation for all .
I pyntip na u Rev. Edwin H Kharkongor, Secretary, KJCLF.





Discussion about this post