Uwi u pulit uwa pynlai kari da chah dat u ha ki khynroo deilang ki kynthai hajan ka Shani Mandir ha Khanapara, Guwahati, Assam ynni i miet hadien wa kut i tem ki Guns N’ Roses.
Uni u pulit uwa man kam u Constable uwa tip kam ka u Tinku Moni Deka na ka Dispur Traffic Police Branch, da antaad wa chah dat u ha ki 7 ngut kiwa kynthup ya 5 ngut ki khynroo wa 2 ngut ki kynthai heipor wa dang em Duty u.
Da khana u wa ini da jia i heipor wa dang phah u wow lai kawi ka Auto Rickshaw cha rood sarok wei heini i por syndet syndet da wan kawi ka kynthai kawa da thaap oo khlem da klam iyi iyi leh wei heini da mih sa 4-5 ngut ki kynroo kiwa da lailang waka kiwa da sdang wow dat oo.
Ya uni u pulit da kit cha Guahati Medical College and Hospital yow yoh yei sumaar wei da booh u leh ya ka ujor ha Dispur Police Station ynnin hi i miet.
Heiyatoh wa ini, ki pulit da kem ki ya le ngut ki khynroo wa kawi ka kynthai wei da rah ki cha Dispur Police Station heiwa nyngkong da kem ya uwi pyn ha i por wa jia ini.
Da em leh ka khubor wa ong wa uwi na kiwa chah kem toh u khon u heh pulit na kawi won ka jylla tangwa ym pu ye wow pyntikna yeini.
Ha kani ka jooh ka sngi da em leh kiwi ki awri awra kiwa da mih neidaw wa da muiad kiwa lai Concert heiwa uwi da pyrchang u wow psiah yabor khlem da em Ticket.





Discussion about this post