Ka Khasi Students’ Union (KSU), Mawrengkneng Circle, ynnin ka sngi da yoh ko wow kem ya soo ngut ki Bangladeshi kiwa da psiah cha India wa cha ka jylla Meghalaya khlem ki kot ki sla kiwa biang katkam ka aiñ.
Hei takit ya kini da chem wa da kit ya ki da ka kari na chnong Skhenpyrsit, West Jaiñtia Hills District wei da yoh yarap ki da ki kattu katni ngut ki bru wa man kam ki Agent yow pynpoi thaw ki.
Kini ki bru da em ki leh ya ka Aadhaar Card wa chna thok wei da khana ki wa da su hadooh Rs. 45,000 samen yow pynbiang ki kot ki sla wei yow pynpsiah pyrchah aiñ cha India.
Uwi na kini da khana u wa da psiah ki cha India lyngba i chnong wa em hajan Sylhet.
U bru uwa yah ya ka kari kamai da khana u wa da yoh Phone u na uwi u bru uwa da phah ya oo wow kit ya kini ki bru wei ym tip u iyi iyi leh chaphang kini ki bru wei da phah donhi ya oo wow pynhiar ki ha Dam.
Ka seiñ da e kti ko ya kini ki bru cha ka Diengpasoh Police Station neibynta u leh yeiwa emkaam katkam ka aiñ wei yow pynman yei takit wa bniah.
Ka seiñ da kyntu ko ya ki bor pulit wow pynman yei takit wa bniah hadooh wow kem ya ki Agent wa emkti.







Discussion about this post