Ka Khasi Students’ Union (KSU) da beiñ ko ya ka sorkar jylla yeiwa chah biang u kreh kitu ki pulit kiwa da chah Suspend heiyatoh wa i chah pynbaad khrong poisa ha u sarok Shillong Bypass deiwa ong wa ka takit toh kawa dang lai chakhmat.
Ki heh ka KSU da lai mih ki hakhmat ka Magisterial Inquiry yow khana yeiwa chem ka seiñ yeiwa khrong poisa ha u bnai wa dap heiwa da yoo ko ya ki pulit wa khrong poisa ki ha Thangshalai wa em ha u sarok Shillong Bypass.
Neiliang u General Secretary ka KSU, u Rueben Najiar da pynsñiaw u yei phylla yeiwa rai ka sorkar wow chah biang u kreh kini ki pulit wot hawa ka takit ym pu em kut ko.
Ka seiñ da dawa bait ko wa toh u kyrriah noh ya u SP ka East Khasi Hills yow ye u man ka takit kawa laitlooid.
Hawa lai hakhmat u Magistrate, u Peter Passah uwa pynman ya ka takit, neiliang ki dkhot ka seiñ da pynyoo ki leh ki sabut yeiwa chem ki heiyatoh wa i khrong poisa.





Discussion about this post