Ynne ka sngi u MDC ka Congress na Saphai Sahsniang, u Rikut Parein da kylli u ha ka Dorbar Tlang ka JHADC lada yohbor wow leh ya ka Tangjait na ka Council yeiwa u CEM u Thombor da ong u wa ym jooh em ebor wow leh yeini.
Da kylli u leh lada tipmit ya ki kur wa Tangjait wei lada em ki kur wa da tipmit, hajrong ini da jubab u Thombor deiwa ong wa ym em u tipmit ya ki.
Chooh chooh u Rikut da kylli u hawa em ki kur wa da tipmit ka Council ha ki bnai wa dadep lada em i takit ya ki kur chwa wow tipmit ya ki, heiwa hajrong ini da jubab u Thombor deiwa ong wa ka Council da takit ko ya kam kitæ ki kur.
Hajrong kini, u Rikut da ong u wa man iwa tieñsar wa lada tipmit ya kam kitæ ki kur hadien daw chem chitom bha manda thied thaw wa kiwi ki kaam wa leh ki hapoh Ri-loom Jaiñtia.
U Thombor hawa kyruiñ ha kani ka bynta da ong u wa da em kam kitæ ki kur kiwa da pyrchang wow pyndap ya ka Schedule Tribe Certificate heiwa u DC da thoh chithi u cha ka Council heiyatoh wa ini wei da jubab wa ymye u pdiang næ tipmit ya kini ki jait kur kiwa da Tangjait na Khasi wa wan ki cha Ri-loom Jaiñtia wei u tipmit ya ki kam ki jaitbru na Jaiñtia Hills.





Discussion about this post