Ynne ka sngi ha ka Dorbar Tlang ka JHADC, u MDC ka VPP u Nehimaia Lamare da kylli u lada ka Council em ko ya ki Geographical Map ki Elaka, Raij wa ki Chnong heiwa u CEM ka JHADC, u Thombor Shiwat da ong u wa ym em ki ya kitæ ki Map.
U Thombor da ong u leh wa katkam wa man katni ym em ya ki Map wa pura wei da em leh ki Chnong kiwa da phah ya ki Sketch Map cha ka Council weiwa ka Executive Committee da ekti ko ya ini i kaam ha ka Boundary Committee wei i kaam dang man iwa lai chaphrang.
Chooh chooh da ong u wa ka Executive Committee da phah ko ya ki Dolloi wow leh yeiwa emkaam khnang wow lait u mih i awri hadien habood.
Neiliang u Nehimaia da kylli u leh kammon u ye u pynbait ya ka Map ha ki Chnong khappood wa ka Assam kam ka Mukroh wa Lapangap, yeiwa u Thombor da ong u wa ya ki Chnong ha khappood i kaam toh i yong ka sorkar wow pynbait yeini.





Discussion about this post