Ynne ka sngi ha ka Dorbar Tlang wa chi sngi ka JHADC, u MDC na War Central, u Jamshaphrang Pohtam da kylli u katwon tylli ki Elaka kiwa khlem Dolloi wa pura heiwa u CEM ka Council, u Thombor Shiwat da ong u wa em soo tylli kam kitæ ki Elaka.
Kini ki Elaka kynthup ki ya ka Elaka Sutnga kawa ym em ya u Dolloi wa pura nadooh wa khlaad u E. Sutnga, ka Elaka Rymbai kawa em hapyrdi ka mukotduma ha Meghalaya High Court, ka Elaka Labang Nongphyllut wa Elaka Sumer heiwa ympu ye u pynman Election Dolloi neidaw wa duna poisa ka Council.
U Jamshaphrang da kylli u sa katwon u chimpor wei emkaam u lut, heiwa u Thombor da ong u wa da pyrchang wow pynman ya ki Election wei ha kawi ka Elaka da antaad wa i lut u kynjoh i cha ka Rs. 30 lak.
Chooh chooh u Jamshaphrang da kylli u leh ya ki Chnong kiwa khlem Waheh Chnong heiwa u Thombor da ong u wa em ar tylli ki chnong kiwa kynthup ya ka Bamkamar wa ka Umladkhur wei daw phah ya ki Dolloi wow pynman noh ya i jied Waheh Chnong ha kini ki Chnong.





Discussion about this post