Ka Dorbar Tlang wa chi sngi ka Jaiñtia Hills Autonomous District Council (JHADC) kawa pynman ynne ka 20 tarik nadooh 10:30 da man ko kawi na ki Dorbar wa neh slem dooh na ki snem wa dadep.
Ha i step da pyndep ya ka kynta Question and Reply bood won sa ka Report wa wanrah da u CEM ka JHADC, u Thombor Shiwat.
Hadien ka Report da wanrah ya ki mat namo ki Motion na ki MDC ka Liang Pyrchah wa kynthup nadooh u Andrew Shullai, u Rikut Parien, u Daemi Liam, u Gresentus Susngi, u Jamshaphrang Pohtam wa u Nehimaia Lamare.
Kani ka Dorbar da pteiñ ko wot hadien wa da kieh ka Siren lait kreh kawa 4:30 pm na yung krehkaam u Deputy Commissioner ka West Jaiñtia Hills neibhah wa dang em ki mat namo Motion kiwa ympu yoh u yaklam yabatai kamtæ kani ka Dorbar da man ko kawi na ki Dorbar wa neh slem dooh yong ka Council.




Discussion about this post