Jowai : Ka seiñ Meghalaya Peoples’ United Front da pynsñiaw ko mynsien wa khia wa joor hei yatoh wa i pynchitom ka sorkar jylla ya kiwa boon ki paidbah khamtam ha ki kaam wow register ya ki dukan dukdoh kiwa em hapoh ka jylla lyngba ka aiñ wa tip kam ka Meghalaya Shop & Establishment Act, 2004.
Ya kani u pynkreh da ka Labour Office waphær waphær kiwa em hapoh ka jylla wei kani ka yung krehkaam ye ko u e Notice heiwa ye ko u phah ya ki tre dukan ya ka notice wa hapoh 20 sngi emkaam u register ki ya ki dukan wei lym kamtæ daw chah pynchitom ki katkam kani ka aiñ.
Tangwa iwa phylla won ka seiñ toh wa kani ka yung krehkaam toh u pait ko ya kiwa kreh hapoh dukan, ileh won wa duk kani hi u phah register ya ki dukan hanlada dep register ki ha ka tnat Sale Tax wei ha ki District Council ya ki Labour License, Professional Tax, wa kiwi kiwi.
Da kylli ko leh yei daw wa chah pynchitom ki paidbah ha kani ka tnat Labour Department deiwa pynemkaam da kani ka aiñ.
“Kwah i u kylli na ka sorkar wa heiwon toh u register, ha District Council næ ha Labour Office, wei neiyi i daw wa duk u leh yeijooh i kaam ar le sien khnang wow che ki paidbah” da ong u president ka seiñ u Dapoiwanmi Laloo.
Discussion about this post